tipo de coñecemento: declarativo, procedemental

coñecemento previo: Comprensión lectora media. Interpretación de planos e mapas.

obxectivos didácticos: Xerais: Identificar os principais elementos do medio natural, social e cultural, analizando a súa organización, as súas características e interaccións e progresando no dominio de ámbitos espaciais cada vez máis complexos. Participar en actividades de grupo adoptando un comportamento responsable, construtivo e solidario, respectando os principios básicos do funcionamento democrático. Específicos: Coñecer as diferenzas entre as cidades e as vilas. Recoñecer os elementos da localidade: vivendas, fábricas, escolas, hospitais, igrexas, rúas, prazas, xardíns, casa do concello… Definir que é o concello e cal é a súa función nunha localidade. Describir como se elixen e cales son as funcións dos responsables do concello. Identificar e valorar as funcións dos servizos e os traballadores municipais. Describir as actividades comerciais, os seus principais tipos e as persoas que interveñen nelas. Definir o turismo e as súas principais formas. Describir as principais vías de comunicación e os medios de transporte asociados a elas.