Obxectivos Xerais: Coñecer e sensibilizar sobre a situación das persoas con discapacidade desde a perspectiva dos dereitos humanos. Comprender a necesidade de continuar afondando na idea de igualdade de oportunidades respecto ao colectivo de persoas con discapacidade. Específicos: Recoñecer que o colectivo de persoas con discapacidade se encontra con dificultades importantes para acceder a determinados dereitos humanos. Comprobar a invisibilidade das persoas discapacitadas en determinados contornos e reflexionar sobre as causas. Identificar necesidades de apoio das persoas con discapacidade Valorar a importancia do acceso a contornos, bens e servizos como elemento esencial para o desenvolvemento persoal. Favorecer actitudes solidarias e activas en relación ás persoas con discapacidade. Contidos - Coñecementos De carácter conceptual (declarativo): Dereitos humanos Accesibilidade Igualdade de oportunidades De carácter procedemental: Relación entre accesibilidade e autonomía persoal. Relación da invisibilidade dos discapacitados en determinados contornos coas dificultades de acceso a eles. Análise dos impedimentos cotiáns para facer efectivos os dereitos humanos das persoas con discapacidade. Comparación entre persoas con e sen discapacidade en relación co acceso aos dereitos básicos. Recoñecemento das dificultades de facer efectivos algúns dereitos humanos: acceso á vivenda, á comunicación e á información, á mobilidade en transportes públicos, á vida cultural, recreativa e deportiva. De carácter actitudinal: Valoración do dereito das persoas con discapacidade á igualdade de oportunidades en relación co acceso a algúns dereitos humanos. Valoración da importancia de acceder ao mundo físico, urbano, comunicativo e informativo, cultural, recreativo e deportivo como factor determinante para a autonomía persoal e, polo tanto, para a igualdade de oportunidades. Interese por desenvolver prácticas solidarias tendentes a facilitar o acceso de todos aos dereitos recoñecidos. Coñecementos Previos: Non son necesarios. Acceder á guía didáctica da secuencia.