Obxectivos xerais: Coñecer os movementos reivindicativos principais do voto das mulleres. Coñecer as achegas de mulleres e homes relevantes na consecución do dereito ao voto das mulleres. Analizar as diferenzas que se producen na consecución do sufraxio masculino e feminino. Específicos: Identificar e coñecer realidades ou situacións nas que se atenta contra a igualdade de dereitos entre homes e mulleres esgrimindo actitudes sexistas e discriminatorias. Analizar procedementos e formas concretas de actuación ante as situacións en que se produce calquera tipo de discriminación sexista. Representar e interpretar a información de datos procedentes de diferentes fontes, de xeito claro, preciso e ordenado. Investigar e describir, utilizando diferentes procedementos, as diferenzas que existen ao comparar a evolución do dereito ao voto feminino e masculino en diferentes períodos históricos. Recoñecer e valorar as contribucións máis relevantes na consecución da igualdade de dereitos e deberes entre os homes e as mulleres. Valorar as achegas das mulleres na consecución do seu dereito ao voto e á participación social. Contidos - Coñecementos De carácter conceptual (declarativo): Dereitos de homes e mulleres en diferentes momentos históricos. Movementos sociais reivindicativos dos dereitos das mulleres. Mulleres relevantes na historia do sufraxio feminino. O dereito ao voto e á participación en cuestións sociais das mulleres. De carácter procedemental: Análise das situacións de discriminación que sufriron as mulleres en relación co dereito ao voto. Estratexias para a comprensión de textos orais e escritos, e de documentación diversa. Investigacións e busca de información sobre as contribucións realizadas por mulleres na consecución do dereito ao voto Estratexias para a comprensión de textos literarios. Creación de textos literarios utilizando diferentes formas de expresión. De carácter actitudinal: Apreciación e valoración dos movementos sociais que reivindicaron a igualdade entre os homes e as mulleres Valoración das contribucións concretas realizadas por mulleres en diferentes momentos históricos. Rexeitamento ante calquera forma de discriminación sexista que vulnere os dereitos de mulleres e homes. Coñecementos previos: Bo dominio da lectura comprensiva e das estratexias para a comprensión de textos. Funcionamento de grupos para debater e consensuar. Acceder á guía didáctica da secuencia.