Helburu orokorrak: Emakume eta gizon garrantzitsuen ekarpenak ezagutzea emakumezkoen boto eskubidea lortzeko. Mugimendu sufragisten jarduera eta lorpen nagusiak aztertzea. Emakume sufragistek egindako lana estimatzea eta baloratzea gizon eta emakumeen arteko berdintasuna lortzeko. Espezifikoak: Mugimendu sufragistak sortzen direneko testuinguru historikoa identifikatzea. Mugimendu sufragisten helburu nagusiak ezagutzea. Jarduteko prozedura eta era zehatzak aztertzea eta deskribatzea emakumeen boto eskubidea ukatzeari dagokionean. Bi mugimendu sufragisten arteko alderdi komunak eta desberdintasunak konparatzea eta identifikatzea. Ikasleen artean pentsamendu kritikoa sustatzea, genero aldeko diskriminazioak eta aurreiritziak baztertzen dituena. Edukiak - Ezagutza kontzeptualak (adierazpenezkoak): Mugimendu sufragisten helburuak: hezkuntzarako eskubidea eta emakumeen botoa. Protagonista batzuk: Amerikako Estatu Batuetan: Lucrecia Coffin Mott eta Elizabeth Cady Stanton. Britainia Handian: Mary Wollstonecraft, Jhon Stuart Mill eta Richard Codben Mugimendu sufragisten ekintzak. Emakume sufragisten lorpenak: Emakumeen boto eskubidea lortzea Amerikako Estatu Batuetan eta Erresuma Batuan. Prozedurazkoak: XIX. mendearen bigarren aldian emakumeak zireneko diskriminazio-egoeren azterketa eta deskribapena Dokumentuak eta testu historikoak ulertzeko estrategiak. Mugimendu sufragisten jarduera nagusiei buruzko azterketa gidatua. Testu literario bat egitea (antzeztekoa) lortutako informazioan oinarrituta. Jarrerazkoak: Emakume sufragisten jarduerak estimatzea eta baloratzea. Emakumeekiko diskriminazioa inplikatzen duten egoera historikoak baztertzea. Aurretiazko Ezagutzak: Informazioa bilatzeko estrategiak. Elkarlaneko taldeen arteko funtzionamendu ona eztabaidatu eta adosteko. Objektuaren gida didaktikora jotzea.