Obxectivos xerais: Comprender que a participación democrática favorece o control social dos recursos da comunidade e polo tanto pode ser un elemento importante de loita contra a pobreza Específicos: Recoñecer que os réximes democráticos contemplan no seu ordenamento xurídico o respecto aos dereitos humanos. Recoñecer que os suxeitos individuais deben asumir responsabilidades para mellorar as súas situacións vitais. Comprender que a participación favorece a presión social en relación coa toma de medidas de protección e de xustiza social. Coñecer algunhas formas de participación en democracia. Valorar existencia da pobreza no noso contorno como síntoma da necesidade de mellorar o sistema democrático. Contidos - Coñecementos De carácter conceptual (declarativo): Democracia. Valores democráticos. Participación cidadá. De carácter procedemental: Recoñecemento dos dereitos humanos no texto constitucional español. Relación entre participación democrática e medidas de protección e xustiza social: económicas e sociais fundamentalmente. Identificar algunhas medidas que favorecen a xustiza social: protección ao desemprego, medidas para favorecer o emprego, educación, acceso ás novas tecnoloxías para todos, sanidade, acceso a unha vivenda digna… Vinculación entre o control e asunción de responsabilidades sobre a propia vida e as posibilidades de previr e paliar situacións persoais de pobreza. Identificación de formas de participación democrática: asociacionismo, voluntariado, o voto como elemento de control e poder. De carácter actitudinal: Aprecio da pobreza como síntoma da necesidade de mellorar o sistema democrático. Valoración da participación como elemento que favorece a xustiza social. Valoración da democracia como sistema que recoñece os dereitos humanos e propón accións que favorecen a súa práctica. Coñecementos previos: Non son necesarios. Acceder á guía didáctica do obxecto.