Obxectivos: Coñecer, aprender, comprender e utilizar con corrección vocabulario relacionado co mundo dos animais e ser capaz de o utilizar en presente simple, describindo, comparando ou facendo preguntas sobre aqueles. Específicos: Adquirir e manexar con fluidez vocabulario relativo aos animais, coñecer e aprender preguntas pertinentes, ser capaz de preguntar por e indicar a procedencia dun animal, adquirir e manexar con fluidez pronomes interrogativos para facer preguntas pertinentes, ser capaz de manexar con corrección o presente simple en oracións afirmativas, negativas e interrogativas, ser capaz de describir e comparar animais e o seu modo de vida, mostrar unha actitude de respecto e coidado dos animais e valorar a importancia de coñecer unha serie de recursos mínimos para poder aplicalos con éxito neste tipo de situacións ou contextos de comunicación. Contidos – Coñecementos De carácter conceptual (declarativo): Animais. Domésticos e salvaxes: mascotas. A granxa, a selva, o zoo. (Ver palabras clave) De carácter procedemental: Desenvolvemento das capacidades de descrición e comparación. Desenvolvemento da capacidade de facer preguntas pertinentes en inglés. Adquirir e manexar con fluidez vocabulario relativo aos animais. Aprender a escribir este vocabulario de forma correcta. Uso deste en diferentes situacións de comunicación. De carácter actitudinal: Mostrar unha actitude de respecto e coidado dos animais. Valorar a importancia de coñecer unha serie de recursos mínimos para poder aplicalos con éxito neste tipo de situacións ou contextos de comunicación. Coñecementos previos: Coñecementos de inglés de segundo ciclo. Antes de traballar este obxecto de aprendizaxe, podería ser moi interesante realizar unha visita virtual a un zoo e a elaboración de murais sobre animais por grupos. Coa idea de visitar o zoo ou unha granxa ao finalizar non o OA, senón a secuencia didáctica completa. Consultar as orientacións didácticas do obxecto.