Obxectivos xerais: Escoitar e comprender mensaxes en interaccións verbais variadas en lingua estándar utilizando as informacións transmitidas polos devanditos textos para a realización de tarefas concretas e diversas relacionadas coa súa experiencia. Expresar gustos, desexos, opinións, sentimentos ou informacións simples sobre un tema. Valorar a lectura como fonte de entretemento e información. Coñecer e traballar a dimensión sociocultural. Específicos: Pedir e dar información sobre o globo terráqueo, continents, oceans, hemispheres, countries, climates, maps, etc. Aplicar estes coñecementos a diferentes situacións e actividades. Traballar un mapa físico. Usar algunhas estratexias para aprender a aprender. Repasar os seus coñecementos da Terra e das súas representacións: globo terráqueo, mapas dos continentes, accidentes xeográficos de primeira orde. Valorar a importancia de coñecer e apreciar persoas doutros países, con outras culturas. Respecto, tolerancia, aprecio desas culturas e da propia. Contidos - Coñecementos De carácter conceptual (declarativo): Traballar aspectos básicos de xeografía física da Terra, situación, continentes, océanos, hemisferios, climas, etc. Vocabulario: CONTINENTS: AFRICA, ANTARCTICA, ASIA, OCEANIA, EUROPE and AMERICA. Land, soil, island, peninsula, country, landscape, wood (forest), lake, coast, beach , canal, desert, capital, state, region, village, hut, globe, sphere, pole, tropic, zone, hemisphere, Northern, southern, eastern, western, covered, imaginary. Freeze, turn, warm, hot, cold, near, far, up, down De carácter procedemental: Comprensión de información específica en mensaxes: identificación de continentes, océanos, climas, etc. Emparellar palabras e ilustracións. Escritura ortograficamente adecuada. Completar diálogos Ordenar secuencias Situar continentes, océanos, climas, etc., no mapa seguindo indicacións oportunas. De carácter actitudinal: Actitude receptiva e respectuosa para as persoas que falan unha lingua distinta da propia. Aprecio pola corrección na interpretación e produción de textos sinxelos. Actitude positiva e optimista sobre a propia capacidade para aprender unha lingua estranxeira. Recoñecemento e valoración da importancia de saber ler e escribir nunha lingua estranxeira. Coñecementos previos: Coñecementos de inglés de segundo ciclo de primaria. Vocabulario de xeografía física básica na lingua materna: A Terra, o globo terráqueo. Continentes, océanos Mapas O tempo e o clima, cambios de estado, ciclo da auga. Acceder á guía didáctica da secuencia.