Obxectivos: xerais: ler de forma comprensiva textos diversos e adecuados, extraendo información xeral e específica de acordo cunha finalidade previa, valorar a lectura como fonte de entretemento e información, adquirir o vocabulario preciso para conseguir unha expresión adecuada, utilizando o dicionario, as técnicas auxiliares e o uso da biblioteca como recurso básico, identificar aspectos fonéticos, de ritmo, acentuación e entoación, ademais de estruturas lingüísticas e aspectos léxicos da lingua estranxeira e usalos como elementos básicos da comunicación e coñecer e traballar a dimensión sociocultural. Específicos: coñecer a diferenza entre tempo atmosférico e clima, coñecer a actividade do sol como unha das causas do tempo atmosférico, coñecer a atmosfera da terra, enumerar algúns efectos da calor solar na terra e na auga en relación co tempo atmosférico, analizar por que se producen as estacións, estudar as consecuencias do bo e mal tempo, coñecer diferentes tipos de precipitación, coñecer diferentes formas de correntes de aire como ventos, tornados e furacáns, e identificar os diferentes apartados de medida que forman o equipo dun observatorio e os valores que rexistran e recoñecer os principais símbolos de información meteorolóxica. Contidos ? Coñecementos De carácter conceptual (declarativo): Definición de tempo atmosférico e clima. A atmosfera da terra. Algúns efectos da calor solar na terra e na auga. Analizar por que se producen as estacións. Estudar as consecuencias do bo e mal tempo. Diferentes tipos de precipitación. Vento, tornados e furacáns. Instrumentos de medición. Predición do tempo atmosférico. Símbolos de información meteorolóxica. De carácter procedemental: Comprensión de información específica en mensaxes escritas. Emparellar palabras e ilustracións. Escritura ortograficamente adecuada. Completar diálogos. Ordenar secuencias. Construír frases ao redor dun tema. Asimilar o vocabulario básico do tema (só as palabras en tipo maior). De carácter actitudinal: Actitude receptiva e respectuosa cara ás persoas que falan unha lingua distinta da propia. Aprecio pola corrección na interpretación e produción de textos sinxelos. Actitude positiva e optimista sobre a propia capacidade para aprender unha lingua estranxeira. Recoñecemento e valoración da importancia de saber ler e escribir unha lingua estranxeira. Interese por coñecer os trazos climáticos da zona na que vivimos. Gusto por coñecer o funcionamento e a utilidade dos aparellos que utilizamos para medir os elementos do clima. Coñecementos previos: Coñecementos de inglés de segundo ciclo de primaria. Vocabulario e contidos específicos. Acceder á guía didáctica da secuencia.