Obxectivos xerais: Coñecer as achegas de mulleres e homes relevantes na consecución do sufraxio feminino. Analizar as actuacións e logros principais dos movementos sufraxistas. Apreciar e valorar o papel desempeñado polas sufraxistas na consecución da igualdade de dereitos entre os homes e as mulleres. Específicos: Identificar as características do contexto histórico no que xorden os movementos sufraxistas. Coñecer os obxectivos principais dos movementos sufraxistas. Investigar e describir procedementos e formas concretas de actuación ante a negación do dereito ao voto para as mulleres. Comparar e identificar aspectos comúns e diferenzas entre os dous movementos sufraxistas. Fomentar no alumnado o desenvolvemento dun pensamento crítico que impida discriminacións e prexuízos por razón de xénero. Contidos - Coñecementos De carácter conceptual (declarativo): Obxectivos dos movementos sufraxistas: o dereito á educación e o voto das mulleres. Algunhas e algúns protagonistas: Nos Estados Unidos: Lucrecia Coffin Mott e Elizabeth Cady Stanton. En Gran Bretaña: Mary Wollstonecraft, Jhon Stuart Mill e Richard Codben Actuacións dos movementos sufraxistas. Logros das sufraxistas: A consecución do dereito ao voto feminino nos Estados Unidos e no Reino Unido. De carácter procedemental: Análise e descrición das situacións de discriminación en que se encontran as mulleres na segunda metade do século XIX Estratexias para a comprensión de documentos e textos históricos. Investigación guiada sobre as actuacións principais dos movementos sufraxistas. Elaboración dun texto literario (teatral) a partir da información obtida. De carácter actitudinal: Apreciación e valoración da actuación das mulleres sufraxistas. Rexeitamento ante as situacións históricas que implican a discriminación das mulleres. Coñecementos previos: Estratexias de procura de información. Bo funcionamento en grupos cooperativos para debater e consensuar. Acceder á guía didáctica do obxecto.