Obxectivos Xerais: Sensibilizar sobre as dificultades das persoas con discapacidade para facer uso do dereito a participar nas actividades e espazos para a cultura, os deportes e o recreo persoal. Específicos: Analizar situacións nas que se pon de manifesto a dificultade ou imposibilidade de acceder e facer uso de actividades e contornos culturais, recreativos ou deportivos. Recoñecer diferentes sistemas e apoios que favorecen o acceso e participación nesas actividades e contornos. Observar a ausencia significativa de persoas con discapacidade en espazos culturais, deportivos e recreativos asociándoa ás dificultades para o seu gozo. Contidos - Coñecementos De carácter conceptual (declarativo): Accesibilidade a contornos recreativos, culturais e deportivos: acceso físico aos espazos (abertos e pechados) e medios técnicos. De carácter procedemental: Observación de situacións en contornos culturais, recreativos e deportivos nas que se pon de manifesto. Identificación de deportes adaptados para persoas con discapacidade (atletismo, fútbol, baloncesto). Recoñecemento de adaptacións en diferentes contornos que facilitan a participación: museos, cines e teatros, praias, piscinas, parques naturais restaurantes, instalacións deportivas, ? Relación das dificultades no acceso a contornos culturais, recreativos e deportivos coa ausencia de persoas con discapacidade neles. De carácter actitudinal: Sensibilidade cara aos aspectos que lles dificultan o acceso e uso de contornos culturais, deportivos e recreativos a persoas con discapacidade, así como a súa participación en actividades deste tipo. Coñecementos Previos: Non se necesitan. Acceder á guía didáctica do obxecto.