Obxectivos Xerais: Sensibilizar sobre as dificultades das persoas con discapacidade para facer uso do dereito ao transporte público e á mobilidade. Específicos: Analizar situacións cotiás nas que se manifesta a dificultade de persoas con discapacidade para facer uso de transportes públicos. Recoñecer sistemas e axudas que facilitan o exercicio do dereito ao uso do transporte público en condicións de igualdade con outros. Observar a pouca utilización de transportes públicos, especialmente urbanos, por parte de persoas discapacitadas e reflexionar sobre as causas. Contidos - Coñecementos De carácter conceptual (declarativo): Dereito á mobilidade Accesibilidade e adaptación de transportes públicos De carácter procedemental: Observación de situacións en contornos relacionados co transporte público (vehículos e estacións) nas que se pon de manifesto a dificultade ou imposibilidade de facer efectivo o dereito ao uso do transporte público. Relación destas dificultades coa diminución da autonomía persoal. Identificación de sistemas e axudas que facilitan o acceso e uso dos transportes públicos para persoas con discapacidade motora (plataformas, ramplas, espazos adaptados en vehículos) e sensorial (sinais luminosos e acústicos). De carácter actitudinal: Sensibilidade cara aos aspectos que lles dificultan o acceso e uso dos transportes públicos ás persoas discapacitadas. Coñecementos Previos: Non se necesitan. Acceder á guía didáctica do obxecto.