Helburuak: Orokorrak: Haien esperientziekin zein interesekin lotutako hainbat testu irakurri, entzun eta idaztea eta aldez aurretik zehaztutako xedearekin informazio orokorra eta espezifikoa haietatik ateratzen jakitea. Atzerriko hizkuntza balioestea, eta hizkuntzak oro har, hainbat jatorri eta kulturatako jendearen artean komunikatzeko eta ulertzeko bide eta hainbat gauza ikasteko tresna bezala. Espezifikoak: Ingelesez norbera aurkezteko eta identifikatzeko erabiltzen diren formulak ezagutzea eta besteek emango dioten informazioa ulertzea. Norberaren inguruko galderak egiteko eta erantzuteko erabiltzen diren forma gramatikalak ezagutzea eta barneratzea. Haiei erantzuten jakitea eta komunikazio ona lortzeko haiek erabiltzea. Lan-ohiturak hartzea, banaka zein bikote edo taldeka, lankideekin behar bezala lan eginez jarduerak egoki burutzeko. Lanak behar bezala egitea. Ingelesa erabiltzen duen beste norbait ezagutzen dutenean, ziur aski sortuko diren egoeretan hitz egiteko beharrezkoak diren hitzak eta egiturak ezagutzea. Ingeleseza hitz egiten duten herrialdeetako alderdi soziokulturalak. Kontzeptu-mailakoa (deklaratiboa): Funtzioak: Norberari buruzko informazioa eskatzea eta ematea: izena, adina, jatorria, familia, zaletasunak, etxeko animaliak, etab. Gramatika: ‘to be’ orainaldi sinplearen errepasoa baiezkoan, galderetan eta ezezkoan. 'to be' aditzaren lehenaldi sinplea baiezkoan. ‘to have’ orainaldi sinplearen errepasoa baiezkoan, galderetan eta ezezkoan. Lexikoa: SD ‘Countries’-en ikusitako herrialdeen izenen errepasoa. Gurasoen lanbidea (bilatuta, bereziki, genero markarik ez dutenak eta aitarentzat zein amarentzat desberdintasunik gabe erabil daitezkeenak) Aurreko SDetan ikusitako etxeko animalien izenen errepasoa Familia bateko kideen errepasoa. Prozedura-mailakoak: Informazio espezifikoa ulertzea idatzizko mezuetan. Lexikoa eta irudiak lotzea. Galderak eta erantzunak lotzea. Gutunak eta e-mailak lotzea. Hutsuneak betetzea. Sekuentziak ordenatzea. Jarrera-mailakoa: Norberaren hizkuntza erabiltzen ez duten pertsonekiko jarrera abegikorra eta errespetuzkoa. Testu sinpleen interpretazioaren eta ekoizpenaren zuzenketagatiko jarrera positiboa. Atzerriko hizkuntza bat ikasteko norberaren gaitasunaren gaineko jarrera positiboa eta baikorra. Atzerriko hizkuntza bat irakurtzen eta idazten jakiteak duen garrantzia ezagutzea eta baloratzea. Aurretiazko ezagutzak: “to be” eta “to have” aditzen nozioak. Sekuentziaren gida didaktikoan sartzea.