Obxectivos xerais: Recoñecer a escravitude como forma de dependencia dunha persoa con respecto a outra na cal unha delas é considerada como mercadoría da que se obtén beneficio económico e é despoxada da súa dignidade como ser humano e a outra actúa como propietaria. Identificar determinadas formas actuais de escravitude. Específicos: Coñecer o concepto de escravitude. Coñecer a orixe e a evolución histórica da escravitude. Recoñecer as formas actuais de escravitude: O comercio de persoas, o traballo infantil, a escravitude sexual, a servidume por débedas. Identificar o dereito a non ser escravo como un dos dereitos humanos Espertar unha actitude de rexeitamento cara ás relacións humanas baseadas no sometemento. Favorecer actitudes solidarias con persoas que están sometidas a formas de escravismo ou relacións de dependencia nas que se vexa afectada a súa dignidade como seres humanos. Contidos - Coñecemento De carácter conceptual (declarativo): Escravitude Escravitude moderna A escravitude e os movementos pola súa abolición: referencias históricas. Tráfico de persoas Traballo infantil como forma de escravitude Escravitude sexual Servidume por débedas De carácter procedemental: Análise de situacións de escravismo. Diferenciación entre situacións de escravismo e de relacións laborais dignas. Recoñecemento de determinadas formas de prestación de servizos e traballo como formas de sometemento e escravismo. Recoñecemento da relación de sometemento como forma de violencia. De carácter actitudinal: Promoción de sentido crítico e sensibilidade cara a situacións de dependencia carentes do respecto á dignidade da persoa. Rexeitamento por formas de vida actuais, coma o consumismo irresponsable, que favorecen algunhas formas de sometemento. Coñecementos previos: Non son necesarios. Acceder á guía didáctica da secuencia.