Obxectivos xerais: Favorecer a competencia emocional para mellorar a autoestima e as relacións cos demais. Favorecer a identificación das propias emocións e a súa correcta expresión e control como forma de favorecer a autoestima e unha toma de decisións que considere as consecuencias destas. Específicos: Identificar estados emocionais e favorecer o seu control e a expresión axeitada. Recoñecer a influencia do control das emocións sobre as consecuencias das condutas sobre si mesmo e os demais. Valorar o control da impulsividade como elemento que favorece as relacións sociais, a autoestima e permite a reflexión sobre as consecuencias das accións. Recoñecer a importancia da demora nas gratificacións para controlar a impulsividade e obter recompensas máis axustadas a obxectivos a medio ou longo prazo. Coñecer estratexias para enfrontarse ao enfado dos demais controlando as propias condutas. Valorar a importancia de reflexionar sobre as consecuencias dunha acción para si mesmo e os demais antes de tomar unha decisión. Apreciar a importancia do autocoñecemento en relación cos procesos de mellora persoal e de relación social. Contidos - Coñecementos De carácter conceptual (declarativo): Autocoñecemento Autoestima Control das emocións Demora nas gratificacións Impulsividade e o seu control Condutas impulsivas De carácter procedemental: Recoñecemento das dificultades que as condutas impulsivas representan en relación coas relacións sociais. Expresión de emocións que deben ser controladas. Proposta de alternativas a condutas impulsivas. Uso de estratexias de control da impulsividade. Desenvolvemento de estratexias de control das propias emocións Prevención de efectos negativos de condutas impulsivas De carácter actitudinal: Valoración do autocoñecemento en relación co desenvolvemento persoal e social. Interese por controlar e expresar adecuadamente as emocións. Valoración do control da impulsividade e o desexo de gratificacións rápidas como elementos de autoestima. Valoración da importancia da reflexión sobre as consecuencias dunha toma de decisións produto da impulsividade. Coñecementos previos: Non son necesarios. Acceder á guía didáctica da secuencia.