Helburu orokorrak: Emakumeen boto-eskubidea lortzeko aldarrikapen nagusiak ezagutzea. Emakume eta gizon garrantzitsuen ekarpenak ezagutzea emakumeen boto-eskubidea lortzean. Gizonezko eta emakumezkoen boto-eskubidea lortzean diren desberdintasunak aztertzea. Espezifikoak: Jarrera sexistak eta diskriminatzaileak erabilita, gizon eta emakumeen eskubide-berdintasunaren aurkako errealitateak eta egoerak identifikatzea eta ezagutzea. Edozein motatako diskriminazio sexista gertatzen den egoeretan jarduteko prozedura eta modu zehatzak aztertzea. Iturri desberdinetatik jasotako datuen informazioa irudikatzea eta interpretatzea, era argian eta ordenatuan. Prozedura desberdinak erabilita, garai historiko desberdinetan emakumeen eta gizonen boto-eskubidearen bilakaeran diren desberdintasunak aztertzea eta deskribatzea. Gizon eta emakumeen arteko eskubide eta betebeharren lorpenean ekarpenik garrantzitsuenak ezagutzea eta baloratzea. Emakumeen ekarpenak baloratzea boto-eskubidea eta partaidetza soziala lortzeko. Edukiak - Ezagutza kontzeptualak (adierazpenezkoak): Gizon eta emakumeen eskubideak garai historiko desberdinetan. Emakumeen eskubideak aldarrikatzeko mugimendu sozialak. Emakume garrantzitsuak emakumeen botoaren historian. Emakumeen boto-eskubidea eta partaidetza soziala. Prozedurazkoak: Emakumeek boto-eskubideari dagokionean jasandako diskriminazio-egoerak aztertzea. Ahozko eta idatzizko eta dokumentazioko testuak ulertzeko estrategiak. Emakumeek boto-eskubidea lortzeko egindako ekarpenei buruzko informazioa aztertzea eta bilatzea Literatura testuak ulertzeko estrategiak. Literatura testuak sortzea adierazpenezko modu desberdinak erabilita. Jarrerazkoak: Gizon eta emakumeen arteko berdintasuna aldarrikatu duten mugimendu sozialak preziatzea eta baloratzea Garai historiko desberdinetan emakumeek egindako ekarpen zehatzak baloratzea. Emakume eta gizonen eskubideak urratzen dituen edozein diskriminazio sexista baztertzea. Aurretiazko Ezagutzak: Ulermeneko irakurketa eta testuak ulertzeko estrategiak ondo ezagutzea. Taldeen funtzionamendua eztabaidatzeko eta adosteko. Sekuentziaren gida didaktikoan sartzea.