Obxectivos xerais: Coñecer estratexias diversas para enfrontarse ao enfado doutros e rebaixar o nivel de tensión e conflitividade da situación creada. Específicos: Coñecer estratexias para tratar situacións nas que o interlocutor está enfadado connosco. Valorar as estratexias de control en situacións de enfado como forma de mellorar a comunicación interpersoal e as relacións sociais en xeral. Contidos - Coñecementos De carácter conceptual (declarativo): Enfado Ira De carácter procedemental: Relación das estratexias de control do enfado coa modificación da situación conflitiva que o orixinou. Recoñecemento das diversas estratexias para enfrontarse ao enfado doutros: a) manterse firme e sereno nos argumentos; b) recoñecer a parte de responsabilidade que nos corresponda; c) argumentar sobre a necesidade de serenarse para evitar consecuencias indesexables da situación; d) restarlle importancia ao sucedido; e) negación a tratar a situación se o enfado se converte en ira. De carácter actitudinal: Interese por poñer en práctica estratexias de tratamento de situacións de enfado. Valoración do autocontrol en momentos de enfado como elemento que facilita a posta en práctica de estratexias de afrontamento que provocan unha modificación positiva da situación que o orixinou. Coñecementos previos: Non se necesitan. Acceder á guía didáctica do obxecto.