Obxectivos xerais: Identificar e coñecer os presupostos e principios ideolóxicos que introduce en España a Segunda República en relación á igualdade entre homes e mulleres. Coñecer e analizar a contribución de Clara Campoamor na concesión do sufraxio feminino. Específicos: Coñecer a polémica xurdida nas cortes da Segunda República ante a conveniencia e oportunidade da concesión do voto feminino. Investigar e describir os argumentos que defenderon Clara Campoamor e Victoria Kent con respecto á incorporación plena das mulleres á cidadanía, identificando as diverxencias principais entre as dúas posturas. Valorar a mensaxe expresada por Campoamor e a súa defensa de que a liberdade das mulleres só se pode aprender exercéndoa. Coñecer os cambios que se producen despois da Guerra Civil e a perda do dereito ao voto durante a ditadura franquista. Contidos - Coñecementos De carácter conceptual (declarativo): Principios que introduce a Segunda República: Igualdade legal de homes e mulleres e dereito ao sufraxio sen discriminación por razón de xénero. Algunhas protagonistas: Clara Campoamor e Victoria Kent. Dous posicionamentos enfrontados. Evolución do voto feminino en España. A ditadura franquista. A Constitución de 1978 e a recuperación do dereito ao voto. De carácter procedemental: Análise de dous discursos enfrontados: Victoria Kent e Clara Campoamor. Estratexias para a comprensión de documentos e textos históricos. Investigación guiada sobre a evolución do dereito ao voto feminino despois da Segunda República. Elaboración dun texto literario (teatral) a partir da información obtida. De carácter actitudinal: Apreciación e valoración da actuación de Clara Campoamor e da súa defensa do exercicio da liberdade por parte das mulleres. Rexeitamento ante as situacións históricas que implican perda de dereitos e a discriminación das mulleres. Coñecementos previos: As estratexias de procura de información. Bo funcionamento en grupos cooperativos para debater e consensuar. Acceder á guía didáctica do obxecto.