Obxectivos xerais: Valorar a educación e a formación permanente durante a vida como factores preventivos e paliativos de situacións de pobreza. Específicos: Valorar a educación formal como factor de progreso e promoción persoal. Comprender que a educación e a formación proporcionan coñecementos e destrezas que aumentan as oportunidades de integración social e de acceso ao mundo do traballo. Recoñecer que a pobreza repercute sobre as condicións materiais, sociais e emocionais, e dificultan a crenza de que a educación sexa unha prioridade vital. Relacionar a existencia de bolsas de pobreza coa falta de escolarización. Contidos - Coñecementos De carácter conceptual (declarativo): Educación formal Formación permanente De carácter procedemental: Relación de educación e formación con maiores oportunidades vitais e profesionais. Análise de situacións nas que se require formación para acceder ao mundo laboral. Situación en mapas ou gráficos de bolsas de pobreza e a súa relación con niveis de analfabetismo. Análise dalgún caso no que se manifeste que a pobreza extrema relega a educación formal como prioridade. De carácter actitudinal: Valoración da educación e a formación permanente durante toda a vida como elementos de progreso persoal e como factores preventivos e paliativos de situacións de pobreza. Coñecementos previos: Non se necesitan. Acceder á guía didáctica do obxecto.