Obxectivos: Xerais: Ler, escoitar e elaborar textos diversos, relacionados coas súas experiencias e intereses, extraendo e proporcionando información xeral e específica de acordo cunha finalidade previa. Valorar a lingua estranxeira e as linguas en xeral, como medio de comunicación e entendemento entre persoas de procedencias e culturas diversas e como ferramenta de aprendizaxe de distintos contidos. Específicos: Familiarizarse coas fórmulas necesarias para se presentar e se identificar en lingua inglesa e para entender a información persoal que lle poida proporcionar outro emisor. Recoñecer e interiorizar as formas gramaticais que permiten formular preguntas persoais e aprender a respondelas e a utilizalas para acadar unha comunicación eficaz. Desenvolver hábitos de traballo, tanto de carácter individual como en parellas ou grupos, colaborando cos compañeiros para a boa realización das actividades. Realizar as tarefas adecuadamente. Coñecer o vocabulario e as estruturas lingüísticas necesarias para expresar as necesidades elementais de comunicación en situacións nas que previsiblemente se vai encontrar o alumno ao entrar en contacto con outros usuarios da lingua. Respectar os aspectos socioculturais de diferentes países de fala inglesa. De carácter conceptual (declarativo): Funcións: Pedir e dar información sobre un/unha mesmo/a: nome, idade, lugar de orixe, situación familiar, afeccións, animais domésticos, etc. Gramática: Repaso do presente simple do ‘to be’ nas formas afirmativa, interrogativa e negativa. Pasado simple do verbo 'to be' forma afirmativa. Repaso do presente simple do ‘to be’ nas formas afirmativa, interrogativa e negativa. Vocabulario: Repaso dos nomes de países vistos na SD ‘Countries’. Traballos dos pais (buscando, principalmente, os que non teñan marca de xénero e empregándoos indistintamente para o pai ou a nai) Repaso dos nomes de animais domésticos doutras SD anteriores Repaso dos membros dunha familia. De carácter procedemental: Comprensión de información específica en mensaxes escritas. Emparellar léxico e imaxes. Emparellar preguntas e respostas. Escritura de cartas e correos electrónicos. Cubrir espazos en branco. Ordenar secuencias. De carácter actitudinal: Actitude receptiva e respectuosa cara ás persoas que falan unha lingua distinta da propia. Aprecio pola corrección na interpretación e produción de textos sinxelos. Actitude positiva e optimista sobre a propia capacidade para aprender unha lingua estranxeira. Recoñecemento e valoración da importancia de saber ler e escribir unha lingua estranxeira. Coñecementos previos: Nocións dos verbos “to be” e “to have”. Acceder á guía didáctica da secuencia.