Obxectivos Xerais: Sensibilizar sobre os aspectos que dificultan o acceso á vivenda e a autonomía no fogar das persoas discapacitadas Específicos: Analizar os elementos que nas distintas estancias do fogar dificultan a autonomía de persoas con discapacidade física ou sensorial. Coñecer o concepto de vivenda adaptada Recoñecer as dificultades de acceso á vivenda e, polo tanto, de saída dela, como elemento que favorece a invisibilidade de persoas discapacitadas en contornos cotiáns. Coñecer elementos arquitectónicos, funcionais e técnicos que han de posuír vivendas accesibles e adaptadas. Contidos - Coñecementos De carácter conceptual (declarativo): Vivenda adaptada Edificios accesibles Elementos arquitectónicos, funcionais e técnicos De carácter procedemental: Análise de situacións que dificultan ou imposibilitan a autonomía no fogar de persoas discapacitadas. Observación das adaptacións que posibilitan a autonomía nas mesmas situacións. Recoñecer elementos que dificultan ou favorecen a accesibilidade dun edificio e dunha vivenda. Comprobación de que os elementos que favorecen a autonomía das persoas con discapacidade non impiden as do resto de persoas. De carácter actitudinal: Valoración da necesidade de que edificios e vivendas sexan accesibles e adaptados. Rexeitamento a construcións e elementos funcionais que dificultan a autonomía das persoas e impiden o pleno exercicio do dereito á vivenda. Sensibilidade cara ás consecuencias que implican edificios e vivendas non accesibles: invisibilidade, non participación en actividades, ausencia de autonomía persoal. Coñecementos Previos: Non se necesitan. Acceder á guía didáctica do obxecto.