tipo de coñecemento: declarativo, procedemental

Coñecemento previo: Antes de traballar esta secuencia didáctica os alumnos deben entender o concepto de solo como superficie natural da terra baixo o cal hai rochas e minerais. Sería interesante pedirlles aos alumnos que trouxesen ?pedras? á clase para estudalas e clasificalas. Incluso podemos levar nós mesmos unha mini colección se a temos e se non, atopar boas fotos e as características de distintas rochas e minerais a través de Internet. Previo ao traballo con este OA sería interesante buscar/localizar/identificar na aula, na casa ou na rúa algunhas rochas e minerais para que realmente observen que tanto unhas coma outros forman parte da nosa vida diaria. (Exemplos (mica no microondas, ladrillos ou granito nas nosas casas, o cemento elaborado con calcita, as tellas de arxila ou os tellados de lousa ou o encerado da clase, o xiz elaborado con xeso, a mina do lapis (grafito) etc.

Obxectivos didácticos: Comprender que é o solo e a súa composición coñecendo: por unha banda algúns minerais e rochas e de onde se extraen (minas), e para que se usan os mesmos, e pola outra a importancia do solo para plantas e seres vivos e os conceptos de erosión e desertización.