Helburuak: Animalien munduarekin erlazionatuta dagoen hiztegia behar bezala jakin, ikasi, ulertu eta erabili. Present Simple-a ongi erabiltzeko gai izatea, haiek deskribatzeko, alderatzeko edo haien inguruko galderak egiteko. Espezifikoak: Animalien inguruko hiztegia ikastea eta behar bezala erabiltzea, galdera egokiak egitea, galderak behar bezala egiteko izenordeak ongi erabiltzen ikastea, baiezko esaldietan, ezezkoetan eta galderetan present simple-a erabiltzeko gai izatea, animaliak eta haien bizimodua alderatzeko gai izatea, animalienganako errespetua izatea eta haiek zaintzea, halako egoeretan edo komunikatzeko testuinguruetan erabili ahal izateko gutxieneko baliabideak ezagutzea. Edukiak - Ezaguerak Kontzeptu-mailakoa (deklaratiboa): Animaliak (Ikusi hitz-gakoa) Galderazko izenordeak. (Ikusi hitz-gakoa) Orainaldi Sinplea erabiltzea. Prozedura-mailakoak: Deskripzio eta konparazioaren trebetasunak garatzea. Ingelesez galdera egokiak egiteko trebetasuna garatzea. Bokabulario hori zuzen idazten ikastea. Horiek komunikazio-egoera desberdinetan erabiltzea. Jarrera-mailakoa: Animaliekiko errespetuzko eta zainketako jarrera erakustea. Gutxieneko baliabide batzuk ezagutzeak duen garrantzia baloratzea komunikazioaren egoera eta testuinguru hauetan egoki erabiltzeko. Aurretiazko ezagutzak: Bigarren zikloko ingelesaren ezagutza. Sekuentzia didaktiko hau landu aurretik komenigarria da ikaslea ondokoan murgiltzea: Orainaldi sinplearen erabilera, Galderazko izenordeak, Deskripzio eta konparazioaren kontzeptuak eta Herrialdeak eta nazionalitateak. Sekuentziaren gida didaktikoan sartzea.