Obxectivos xerais: Realizar unha aproximación ao concepto multidimensional de pobreza e coñecer algúns factores de risco para a súa perpetuación, e outros que poden axudar á súa prevención. Específicos: Recoñecer a pobreza como un fenómeno muldimensional. Vincular pobreza e dereitos humanos recoñecendo que o respecto e o acceso a eles dificulta que se orixinen contextos de pobreza mentres que o seu incumprimento os favorece. Identificar factores de risco para caer en situacións de pobreza. Identificar factores que poden previr ou paliar situacións de pobreza. Identificar a pobreza como factor de violencia e contrario á paz. Recoñecer que os contextos democráticos favorecen a loita contra a pobreza. Vincular exclusión social e pobreza. Asumir que rematar coa pobreza é unha cuestión de xustiza social. Recoñecer o valor da educación, formal e informal, como un poderoso factor paliativo e preventivo da pobreza. Identificar grupos especialmente vulnerables a situacións de pobreza e exclusión social. Contidos - Coñecementos De carácter conceptual (declarativo): A pobreza: un fenómeno multidimensional. Factores cualitativos e cuantitativos que interveñen na conceptualización da pobreza. Exclusión social Xustiza social Factores de risco Factores preventivos De carácter procedemental: Selección de factores que favorecen a creación de situacións de pobreza. Identificación das dimensións que interveñen nos contextos de pobreza. Observación de situacións de pobreza. Relación entre pobreza e denegación de dereitos humanos. Relación entre dereitos humanos efectivos e prevención de situacións de pobreza. Identificación de factores de risco da pobreza. Identificación de factores paliativos e preventivos da pobreza. Recoñecemento de grupos vulnerables. Observación e comparación de contextos diversos pobreza-riqueza que comparten localización xeográfica. De carácter actitudinal: Sensibilidade ante a inxustiza social que supón a pobreza. Interese polas condutas solidarias ante o fenómeno da pobreza. Valoración dos dereitos humanos como factores que poden contribuír á prevención e paliación da pobreza. Coñecementos previos: Non son necesarios. Acceder á guía didáctica da secuencia.