ezagutza mota: erazagutzailea, prozedurazkoa

helburu didaktikoak: lurzorua zer den eta haren konposizioa zein den ulertzea; horretarako jakin beharko dira: alde batetik, zenbait arroka eta mineral, nondik ateratzen diren (meatzeak) eta zertarako erabiltzen diren; eta bestetik, landareentzako eta izaki-bizidunentzako lurzoruak zein garrantzia duen; baita higadura eta desertifikazio kontzeptuak ere.

aldez aurreko jakintza: sekuentzia didaktiko hau jorratu aurretik, ikasleek ulertu behar dute lurzorua gainazal natural bat dela, haren gainean landareak hazten direla eta bizia garatzen dela, eta haren azpian, berriz, arrokak eta mineralak daudela. Interesgarria izan liteke ikasleei "harriak" ikasgelara ekartzeko eskatzea, han haiek aztertu eta sailkatzeko. Are gehiago, gu geuk ere eraman dezakegu bilduma txiki bat, baldin badugu, edo, bestela, Interneten arroka eta mineralen argazki on batzuk eta ezaugarriak aurki ditzakegu. Onena, ikasleek eurek arroken ezaugarriak beren hitzekin azaltzea izan daiteke, eta, ondoren, azalpena konparatzea testu-liburuek edo Interneteko bilaketek mineral hari buruzko emandako ezaugarriekin. Helburu didaktiko hau lantzen hasi aurretik, interesgarri izan daiteke arrokak eta mineralak bilatzea/kokatzea/identifikatzea klasean, etxean edo kalean, ikasleek ikus dezaten batak nahiz besteak benetan direla gure egunerokoaren zati. (Adibideak: mika mikrouhin-labean, adreiluak edo granitoa gure etxeetan, zementua kaltzitaz egiten da, teilak buztinezkoak dira, edo teilatuak arbelezkoak dira, baita klaseko arbela ere, tiza igeltsuarekin egiten da, arkatzaren mina (grafitoa)...)