Helburuak: Animalien munduarekin erlazionatuta dagoen hiztegia behar bezala jakin, ikasi, ulertu eta erabili. Present Simple-a ongi erabiltzeko gai izatea, haiek deskribatzeko, alderatzeko edo haien inguruko galderak egiteko. Espezifikoak: Animalien inguruko hiztegia ikastea eta behar bezala erabiltzea, galdera egokiak egitea, galderak behar bezala egiteko izenordeak ongi erabiltzen ikastea, baiezko esaldietan, ezezkoetan eta galderetan present simple-a erabiltzeko gai izatea, animaliak eta haien bizimodua alderatzeko gai izatea, animalienganako errespetua izatea eta haiek zaintzea, halako egoeratan edo komunikatzeko testuinguruetan erabili ahal izateko gutxieneko baliabideak ezagutzea. Edukiak - Ezaguerak Kontzeptu-mailakoa (deklaratiboa): Animaliak. Animalien deskripzioa eta konparazioak. (Ikusi hitz-gakoak) Prozedura mailakoa: Deskribatzeko eta konparatzeko trebetasunak garatzea. Ingelesez galdera egokiak egiteko trebetasuna garatzea. Bokabulario hori zuzen idazten ikastea. Deskripzioa eta konparazioa komunikazioaren egoera desberdinetan erabiltzea. Jarrera-mailakoa: Animaliekiko errespetuzko eta zainketako jarrera erakustea. Gutxieneko baliabide batzuk ezagutzeak duen garrantzia baloratzea komunikazioaren egoera eta testuinguru hauetan egoki erabiltzeko. Aurretiazko ezagutzak: Bigarren zikloko ingelesaren ezagutza. Ikaskuntzako objektua landu aurretik, komenigarria da ikaslea ondokoan murgiltzea: Orainaldi sinplearen erabilera, Galderazko izenordeak, Herrialdeak eta nazionalitateak, Deskripzio eta konparazioaren kontzeptuak eta Animaliei buruzko muralak egitea. Objektuaren orientazio didaktikoei erreparatzea.