Obxectivos xerais: Identificar e coñecer realidades ou situacións nas que se atenta contra a igualdade de dereitos entre homes e mulleres. Fomentar no alumnado o desenvolvemento dun pensamento crítico que impida discriminacións e prexuízos por razón de xénero. Específicos: Coñecer o concepto de cidadanía que xorde da Revolución Francesa Coñecer e describir as contribucións máis significativas do manifesto ?Dereitos da muller e cidadanía? Analizar e describir a discriminación que sufriron as mulleres durante a Revolución Francesa, ao non ser consideradas cidadás con dereitos plenos. Representar e interpretar a información de datos procedentes de diferentes fontes, de xeito claro, preciso e ordenado. Recoñecer e valorar a contribución de Olimpia de Gouges ao reclamar a igualdade de dereitos entre os homes e as mulleres. Contidos - Coñecementos De carácter conceptual (declarativo): Concepto de cidadanía que xorde da Revolución Francesa. Declaración dos dereitos da muller elaborada como manifesto por Olimpia de Gouges. De carácter procedemental: Análise dos factores que determinan que as mulleres non fosen consideradas cidadás con dereitos propios durante a Revolución Francesa. Investigar e buscar información sobre a contribución realizada por Olimpia de Gouges ao reclamar para as mulleres os mesmos dereitos ca para os homes. Análise do manifesto: A declaración dos dereitos da muller e cidadanía. Estratexias para a comprensión de textos orais e escritos, e de documentación diversa. De carácter actitudinal: Apreciación e valoración da corrente de pensamento que lidera Olimpia de Gouges na que se reivindica a igualdade de dereitos entre os homes e as mulleres. Valorar a importancia da relación de dereitos que se reclamaban para as mulleres: voto, exercicio de cargos públicos, participación na educación, no exército, etc. Coñecementos previos: Análise de textos, estratexias de traballo en equipo. Acceder á guía didáctica do obxecto.