tipo de coñecemento: declarativo, procedemental

coñecemento previo: Trazado de esquemas básicos de circuítos. Coñecementos básicos relacionados coa conexión de compoñentes eléctricos. Manexo de interfaces Web para selección de opcións e introdución de datos en formularios. Estrutura básica do hardware dun PC. Uso dos interfaces de configuración de dispositivos no sistema operativo.

obxectivos didácticos: Xerais: Coñecer e comprender o funcionamento de distintos tipos de redes informáticas. Específicos: Describir os tipos de redes informáticas en función do ámbito xeográfico que abarcan. Diferenciar os distintos deseños que poden usarse para establecer as topoloxías de redes locais. Diferenciar as características e campo de aplicación dos dous principais tipos de tarxetas empregadas en rede local Ethernet e sen fíos. Aplicar os coñecementos técnicos e prácticos para a instalación dunha rede local con todos os dispositivos que se empregan comunmente. Identificar as distintas posibilidades tecnolóxicas dispoñibles hoxe en día que permiten establecer o acceso dunha rede ou un equipo local a internet. Resolver o procedemento adecuado para establecer a configuración da conexión dun equipo local a unha rede local.