ezagutza mota: erazagutzailea, prozedurazkoa

aldez aurreko jakintza: Erdi mailako irakurrizko ulermena. Planoak eta mapak interpretatzea.

helburu didaktikoak: Orokorrak: ingurune naturaleko nahiz gizarte- eta kultura-inguruneko elementu nagusiak identifikatzea, euren antolaketa, euren ezaugarriak eta interakzioak aztertuta, eta gero eta konplexuagoak diren espazio-eremuko nagusitasunean aurrera eginez. Talde-laneko jardueretan parte hartzea, jarrera eraikitzailea, ardurazkoa eta solidarioa hartuta, eta oinarrizko demokrazia-funtzionamendua errespetatuta. Berariazkoak: hirien eta herrien arteko aldea ezagutzea. Herriko elementuak ezagutzea: etxebizitzak, lantegiak, eskolak, ospitaleak, elizak, kaleak, plazak, lorategiak, udaletxea... Udaletxea zer den definitzea eta udalerrian zer egiteko dituen jakitea. Udaletxeko arduradunak nola hautatzen diren eta haiek zer funtzio betetzen dituzten deskribatzea. Udalerriko zerbitzuen eta langileen eginkizunak identifikatzea eta baloratzea. Merkataritza-jarduerak, mota nagusiak eta jarduera horietan esku hartzen dituzten pertsonak deskribatzea. Turismoa eta bere modu nagusiak definitzea. Komunikatzeko bide nagusiak eta horiei lotutako garraiobideak deskribatzea.