Helburuak: Animalien munduarekin erlazionatuta dagoen hiztegia behar bezala jakin, ikasi, ulertu eta erabili. Present Simple-a ongi erabiltzeko gai izatea, haiek deskribatzeko, alderatzeko edo haien inguruko galderak egiteko. Espezifikoak: Animalien inguruko hiztegia ikastea eta behar bezala erabiltzea, galdera egokiak egitea, animaliaren jatorria adierazteko gai izatea, galderak behar bezala egiteko izenordeak ongi erabiltzen ikastea, baiezko esaldietan, ezezkoetan eta galderetan present simple-a erabiltzeko gai izatea, animaliak eta haien bizimodua alderatzeko gai izatea, animalienganako errespetua izatea eta haiek zaintzea, halako egoeratan edo komunikatzeko testuinguruetan erabili ahal izateko gutxieneko baliabideak ezagutzea. Edukiak - Ezaguerak Kontzeptu-mailakoa (deklaratiboa): Animaliak: Etxekoak eta basatiak: maskotak. Etxaldea, oihana, zooa. (Ikusi hitz-gakoak) Prozedura mailakoa: Deskripzio eta konparazioaren trebetasunak garatzea. Ingelesez galdera egokiak egiteko trebetasuna garatzea. Animalien inguruko hiztegia ikastea eta erraztasunez erabiltzea. Bokabulario hori zuzen idazten ikastea. Horiek komunikazio-egoera desberdinetan erabiltzea. Jarrera-mailakoa: Animaliekiko errespetuzko eta zainketako jarrera erakustea. Gutxieneko baliabide batzuk ezagutzeak duen garrantzia baloratzea komunikazioaren egoera eta testuinguru hauetan egoki erabiltzeko. Aurretiazko ezagutzak: Bigarren zikloko ingelesaren ezagutza. Ikaskuntzako objektu hau landu aurretik, interesgarria litzateke zoo batera bisita birtuala egitea eta taldeka animaliei buruzko muralak egitea. Zooa edo etxaldea bisitatzeko asmoz azkenean ez OA, baizik eta sekuentzia didaktiko osoa. Objektuaren orientazio didaktikoei erreparatzea.