Obxectivos: Coñecer, aprender, comprender e utilizar con corrección vocabulario relacionado co mundo dos animais e ser capaz de o utilizar en presente simple, describindo, comparando ou facendo preguntas sobre aqueles. Específicos: Adquirir e manexar con fluidez vocabulario relativo aos animais, coñecer e aprender a realizar preguntas pertinentes, adquirir e manexar con fluidez pronomes interrogativos para facer preguntas pertinentes, ser capaz de manexar con corrección o presente simple en oracións afirmativas, negativas e interrogativas, ser capaz de describir e comparar animais e o seu modo de vida, mostrar unha actitude de respecto e coidado dos animais e valorar a importancia de coñecer unha serie de recursos mínimos para poder aplicalos con éxito neste tipo de situacións ou contextos de comunicación. Contidos – Coñecementos De carácter conceptual (declarativo): Animais. Descrición e comparación de animais. (Ver palabras clave) De carácter procedemental: Desenvolvemento da capacidade de describir e comparar. Desenvolvemento da capacidade de facer preguntas pertinentes en inglés. Aprender a escribir este vocabulario de forma correcta. Uso da descrición e da comparación en diferentes situacións de comunicación. De carácter actitudinal: Mostrar unha actitude de respecto e coidado dos animais. Valorar a importancia de coñecer unha serie de recursos mínimos para poder aplicalos con éxito neste tipo de situacións ou contextos de comunicación. Coñecementos previos: Coñecementos de inglés de segundo ciclo. Antes de traballar este obxecto de aprendizaxe, convén introducir o/a alumno/a en: O uso do presente simple, Os pronombres interrogativos, Países e nacionalidades, Os conceptos de descrición e comparación e a elaboración de murais sobre animais. Consultar as orientacións didácticas do obxecto.