Obxectivos xerais: Recoñecer o traballo infantil como unha forma de escravitude Reflexionar e tomar conciencia sobre o fenómeno da escravitude infantil. Específicos: Coñecer a vinculación desta forma de escravitude coa explotación de nenos por parte de persoas adultas coa finalidade última dun beneficio económico. Identificar as principais zonas do mundo nas que se dá esta forma de escravismo. Coñecer causas do fenómeno: pobreza extrema, salarios baixos, débedas familiares. Coñecer algunhas das consecuencias do fenómeno: ausencia de control sobre a propia vida, condicións insás de vida, vulnerabilidade ao abuso de patróns e prestamistas, falta de educación formal, abusos e tráfico de nenos (traspaso a outro patrón). Favorecer unha análise crítica do fenómeno do traballo infantil forzoso. Contidos - Coñecementos De carácter conceptual (declarativo): Traballo infantil forzoso por endebedamento Formas de adquisición de débedas: hereditarias, préstamos, adiantos de salario. Zonas do mundo nas que se dá especialmente o fenómeno: India, Nepal, Paquistán, Bangladesh (Fonte: Save The Children) De carácter procedemental: Relación entre condicións de extrema pobreza e vulnerabilidade cara a situacións de traballo infantil forzoso. Localización nun mapa do mundo das zonas de relevancia especial do fenómeno. Comparación entre as consecuencias da vida infantil no noso contorno e en situacións de escravitude. De carácter actitudinal: Valoración das prácticas fundamentadas no respecto aos dereitos humanos como formas de protección da poboación máis vulnerable a situacións de explotación. Rexeitamento ás prácticas de traballo infantil forzoso. Coñecementos previos: Non se necesitan. Acceder á guía didáctica do obxecto.