Obxectivos: xerais: adquirir destrezas e habilidades prácticas para a aprendizaxe e transferir coñecementos e estratexias de comunicación a outras linguas. Usar progresivamente esta lingua como medio de aprendizaxe de contidos da área. Específicos: coñecer a diferenza entre tempo atmosférico e clima, coñecer a actividade do sol como unha das causas do tempo atmosférico, emparellar palabras e ilustracións e coñecer a importancia de ampliar coñecementos previos adquiridos noutra lingua. Contidos ? Coñecementos De carácter conceptual (declarativo): Preténdese diferenciar os conceptos de tempo atmosférico e clima. Partirase dunha breve explicación: WEATHER Weather is a description of what is happening with the air, the sun, the rain and the wind when you go outside. CLIMATE is the general type of weather in a location over a long period of time. De carácter procedemental: Comprensión de información específica en mensaxes escritas. Emparellar palabras e ilustracións. Escritura ortograficamente adecuada. Completar diálogos. Ordenar secuencias. Construír frases ao redor dun tema. Asimilar o vocabulario básico do tema (só as palabras en tipo maior). De carácter actitudinal: Interese e curiosidade por aprender coñecementos xa adquiridos do tempo atmosférico e os climas, en lingua inglesa. Recoñecemento e valoración da importancia de saber ler e escribir unha lingua estranxeira. Escoitar con atención a pronuncia de todas as palabras. Coñecementos previos: Coñecementos de inglés de segundo ciclo. Coñecementos xa adquiridos do tempo atmosférico e os climas, en lingua materna. Consultar as orientacións didácticas do obxecto.