Obxectivos xerais: Aprender a utilizar con progresiva autonomía todos os medios ao seu alcance, incluídas as novas tecnoloxías, para obter información e para comunicarse na lingua estranxeira. Escribir diversos tipos de texto con finalidades variadas sobre temas previamente tratados na clase e coa axuda de modelos. Específicos: Usar algunhas estratexias para aprender a aprender. Repasar os seus coñecementos da Terra e das súas representacións: globo terráqueo, mapas dos continentes, accidentes xeográficos de primeira orde. Desenvolver hábitos de traballo, tanto de carácter individual como en parellas ou grupos, colaborando cos compañeiros para a boa realización das actividades. Respectar os aspectos socioculturais de diferentes países de fala inglesa. Contidos - Coñecementos De carácter conceptual (declarativo): Traballar aspectos básicos de xeografía física da Terra, situación, continentes, océanos, hemisferios, climas, etc. De carácter procedemental: Comprensión de información específica en mensaxes: identificación de continentes, océanos, climas, etc. Emparellar palabras e ilustracións. Escritura ortograficamente adecuada. Completar diálogos. Situar continentes, océanos, climas, etc., no mapa seguindo indicacións oportunas. De carácter actitudinal: Aprecio pola corrección na interpretación e produción de textos sinxelos. Actitude positiva e optimista sobre a propia capacidade para aprender unha lingua estranxeira. Recoñecemento e valoración da importancia de saber ler e escribir nunha lingua estranxeira. Escoitar con atención a pronuncia de todas as palabras. Coñecementos previos: Coñecementos de inglés de segundo ciclo de primaria. Vocabulario de xeografía física básica en inglés: A Terra, o globo terráqueo. Continentes, océanos. Mapas. O tempo e o clima, cambios de estado, ciclo da auga. Acceder á guía didáctica do obxecto.