Obxectivos xerais: Identificar e recoñecer diferentes formas de explotación sexual que supoñen un fenómeno de escravitude real. Recoñecer mulleres e nenos como os grupos de poboación máis vulnerables a estas formas de escravismo. Específicos: Identificar as diferentes formas en que se presenta a escravitude sexual: prostitución forzada, escravitude sexual, matrimonios forzosos. Recoñecer as características destas formas de escravitude. Valorar o fenómeno do turismo sexual como elemento que favorece a explotación sexual. Relacionar as situacións de conflito bélico co aumento de situacións de escravitude sexual. Reflexionar sobre o fenómeno da explotación sexual como contrario aos dereitos humanos. Contidos - Coñecementos De carácter conceptual (declarativo): Prostitución forzada (mediante coacción, violencia, ameazas, abuso de autoridade). Escravitude sexual como forma de control absoluto dunha persoa sobre outra con fins sexuais en ausencia de lucro. Matrimonio forzoso a través de contrapartida económica ou en especies sen que exista dereito a oposición Turismo sexual De carácter procedemental: Identificación de mulleres, nenas e nenos como grupos especialmente vulnerables á explotación sexual. Análise de distintas formas de control coactivo con mulleres para que exerzan a prostitución forzada: malos tratos, control físico dos fillos, ameazas graves de dano físico, mantemento dunha situación permanente de endebedamento e pobreza –que pode incluír a retirada de pasaportes a estranxeiras-, privación de liberdade para saír soas. Distinción entre matrimonio forzoso e matrimonios de conveniencia con consentimento mutuo. Identificación de condutas que favorecen a explotación sexual: o turismo sexual, contextos de conflitos e ocupación bélica, pobreza extrema, consideración de mulleres e nenos como propiedade mercantil. De carácter actitudinal: Interese por ofrecer alternativas para loitar contra a explotación sexual a través de condutas respectuosas coa dignidade humana. Rexeitamento de prácticas favorecedoras da explotación sexual, especialmente infantil, como o turismo sexual. Coñecementos previos: Non se necesitan. Acceder á guía didáctica do obxecto.