Obxectivos xerais: Comprender que a pobreza é un fenómeno no que conflúen unha variabilidade de dimensións que se relacionan con factores contextuais cualitativos e cuantitativos. Específicos: Recoñecer o concepto de pobreza asumindo que está vinculado a contextos sociais concretos. Identificar factores cualitativos e cuantitativos do fenómeno. Recoñecer os vínculos entre pobreza e violencia. Coñecer algúns datos básicos sobre a pobreza: distribución no mundo, datos que lle afectan a España. Contidos - Coñecementos De carácter conceptual (declarativo): Concepto de pobreza desde unha perspectiva muldimensional. Pobreza absoluta e pobreza relativa Dimensións cuantitativas da pobreza: carencia de recursos económicos, limiar de pobreza. Dimensións cualitativas da pobreza: dificultade para conseguir emprego, relacións sociais escasas e difíciles, degradación persoal (autoestima baixa, sentimentos fatalistas…), dificultades para acceder a bens e servizos que constitúen dereitos sociais (vivenda, educación, formación…). De carácter procedemental: Observación e análise dos factores que conflúen en situacións de pobreza. Relación entre pobreza e violencia: a pobreza produto de violencia estrutural como consecuencia de inxustiza social e como causa á súa vez de conflitos. Análise de datos básicos sobre a pobreza: distribución polo mundo, datos relativos a España (número, sexo, distribución rural e urbana, formación da poboación… De carácter actitudinal: Valoración da pobreza como fenómeno multidimensional que presenta derivacións sociais e persoais. Sensibilidade cara ao fenómeno. Coñecementos previos: Non se necesitan. Acceder á guía didáctica do obxecto.