Obxectivos xerais: Favorecer a reflexión sobre as consecuencias negativas para si mesmo e os demais que teñen as condutas impulsivas. Valorar a necesidade de demorar gratificacións como forma de lograr obxectivos a medio e longo prazo. Específicos: Recoñecer condutas impulsivas. Relacionar as condutas impulsivas coa falta de planificación e obxectivos. Identificar condutas propias da impaciencia. Recoñecer consecuencias negativas das condutas impulsivas. Comprobar os efectos negativos da incapacidade para demorar gratificacións. Contidos - Coñecementos De carácter conceptual (declarativo): Condutas impulsivas Demora de gratificacións De carácter procedemental: Relación entre demora de gratificacións e melloras persoais a longo prazo. Asociación de condutas impulsivas con consecuencias negativas a medio ou longo prazo: incapacidade de tolerar a frustración, dificultade para as relacións sociais. Recoñecemento dos beneficios a curto prazo da conduta impulsiva: pracer, gratificación inmediata, liberación de tensión. Identificación dos efectos negativos para a propia persoa das condutas impulsivas: arrepentimento, culpa, sanción. Recoñecemento de condutas impulsivas: interromper, non escoitar instrucións completas, quitarlles obxectos a outros sen control (cleptomanía)? De carácter actitudinal: Interese por demorar as gratificacións e controlar os desexos de acción inmediatos. Valoración do control dos impulsos como elemento de mellora persoal. Coñecementos previos: Non son necesarios. Acceder á guía didáctica do obxecto.