Obxectivos Xerais: Sensibilizar sobre aspectos que dificultan o acceso á información e á comunicación das persoas con discapacidade sensorial e tamén motora. Específicos: Analizar os elementos que dificultan o acceso á información e á comunicación de persoas con discapacidade sensorial e motora. Coñecer sistemas de apoio e recursos técnicos para favorecer o acceso á información e á comunicación destas persoas. Contidos - Coñecementos De carácter conceptual (declarativo): Sistemas alternativos de comunicación: Braille e linguaxe de signos. Axudas tecnolóxicas e funcionais. Accesibilidade de sitios web De carácter procedemental: Análise de situacións nas que persoas con discapacidade teñen dificultades ou se encontren imposibilitadas no acceso á comunicación e á información. Observación das adaptacións e axudas que facilitan o acceso á información e á comunicación. Recoñecer sistemas e axudas que facilitan o acceso á información e á comunicación. Identificar as dificultades para acceder á información e á comunicación coa dificultade para facer efectivo un dereito fundamental. De carácter actitudinal: Rexeitamento ás restricións no uso do dereito á información e á comunicación debido a condicións de discapacidade. Sensibilidade cara ás situacións cotiás que dificultan o dereito á información e á comunicación. Coñecementos Previos: Non se necesitan. Acceder á guía didáctica do obxecto.